ما هو تاريخ الخيام القديم؟...

تاريخ الخيام القديم هو تاريخ عائلة وصراعات... تاريخ بيت عبد الله يعني.

مش تاريخ أهل الخيام. كانوا بيت عبد الله اللي عندهم هذا النفوذ مع الإقطاع عم بيستخدموا أهل الخيام.

وكانوا بالمحلات اللي أهل الخيام يقولوا "لا" أو يرفضوا أو شي كانوا يقمعوهم، وياما راحت قتلى بهذا الموضوع... ياما راحت قتلى.

وهذا تاريخ الخيام إذا بترجع لتاريخ جبل عامل تبع محمد جابر آل صفا... ما هو حاطط حكي عن الخيام... وحاكي عن الخلاف الكبير اللي حصل سنة 1900...

إنّه... بيت عبد الله قتلوا واحد أد ما كانوا رذلاء ويقتلوا ويشلحوا... إذا واحد إذا مرّة جايبة أو زلمة حامل حطب يشلحوه إياه... لك كانت المرة إذا بدها تدق لحمة تدقها بالسرقة...

بلطجة وقصص على كل المستويات. يوميتها... قتلوا واحد من بيت عواضة، صار في ردة فعل عند أهل الخيام لأنه ما عاد فيهم يتحملوا، وكحطوهم لبيت عبد الله من الخيام.

لك إيه، ما هذا تاريخ جبل عامل يا زلمة، أنا مش عم بحكي من عندي! كحطوهم على الإبل وعلى كفركلا وعلى الطيبة وعلى كذا... يقوم كامل الأسعد الكبير... كامل الأسعد...

مش كامل هذا ابن لأحمد الأسعد، الكبير بيّه لأحمد يعني...

بيّه لأحمد بيك... بيجي... يقوم بيجيب وجهاء جبل عامل وعلى رأسهم والمشايخ وعلى رأسهم الشيخ عبد الحسين صادق... وبيجي على الخيام وبده يعمل صلح بده يرجع بيت عبد الله على الخيام... ورفع شعار... "مصالحة المسلمين"، يعني صار شفت المسلمين المعتدي والمعتدى عليه مسلمين.

عرفت كيف؟ وصارت حسب ما بيحكي محمد جابر آل صفا اللي هو كان حاضر بساحة الجامع... إجا كامل الأسعد قال لهم: يا أهل الخيام، أنا عم بحكيكم باسم بيت عبد الله... إنّ إلهم مشكلة مع بيت عبد الله هلا بنحلها، إذا حدا أخذين له شقفة أرض بنرجع له إياها، اللي مشلحينه بقرة... إنّه... أنا عم بحكيكم باسم بيت عبد الله، كل شيء عاملينه بيت عبد الله وإلكم حقوق عليهم هلا بنـ... بنرجعه. أنتم نقوا حدا يحكي باسمكم.

أهل الخيام اتلبكوا... مين بيحكي؟ مين بيحكي؟ مين بيتجرأ يحكي؟ مين عنده الشجاعة يحكي؟ حطوا... وهن أصلًا متفقين على موقف، بس مش متفقين مين أذكار بيناتهم... صالحة عبود. من هون لهون... قالوا له: يا صالحة بدك تحكي باسمنا.

---------

«أيّ سنة صارت؟ — 1900...

— اسم "خلفة أهل الخيام"، هو حاطط لها عنوان، محمد جابر آل صفا، اسم "خلفة أهل الخيام".

— قاموا، قالوا: صالحة، أنت بتحكي باسمنا، بس أنت شو بقول بدك تقولوا: "إيه"، مش أنا أقول شيء وأنتم تقولوا شيء؟ قالوا له: لا، مثل ما... قالوا له لكامل الأسعد إنه: أوكي، نحن صالحة بيحكي باسمنا. وقام صالحة عبود سلّم على البك، وبلا ما يرجع أنرية... لا، يرجع... دار وجهه ورجع. انتفض البك وسحب السيف. هَدّوه المشايخ والوجهاء إنه: يا عمي بنـ... خلينا نحل المشكلة وبلا صياح. هلق قام صالحة عبود، انضرب مشوار هيك ومشوار هيك وحاطط يده هيك عم يفكر، سلفها لكامل الأسعد، شو صالحة ما ردش عليه. رجع عمل مشوار هيك ومشوار هيك، وكله هذا بساحة الجامع. ووقف قدامه لكامل الأسعد. قال له: شو يا صالحة؟ قال له: نحن وبيت عبد الله بالخيام ما بيمشي الحال، يا نحن بالخيام يا هن بالخيام. لك شو هذا! هن مش حدا ناظر هذا الجواب أصلًا! لك قال لهم كامل الأسعد: شو بتقولوا يا أهل الخيام؟ قالوا له: مثل ما قال صالحة. فُضّ الاشتباك... فُضّ الاجتماع على خلاف كبير. بينزل كامل الأسعد مع الوجهاء والأفندية هاو كلهم على البستان، بيعملوا غدا تحت كامل الأسعد إنه... هيدي إنه فشل له يعني، وهو الزعيم الوائل العظيم... هيدي هيدي أنت سميت وائل...

— فـ... بيقوم كامل الأسعد بيقول له للشيخ عبد الحسين، هيدي حبيب صادق، هو بيّه لحبيب، على أد هك حبيب، في شغلتين بقى يظل يقول: "أنا بدي كفّر عن ذنوب الوالد" اللي هن الزواج وهيدي القصة.

م.

— بيقول له كامل الأسعد للشيخ عبد الحسين: شو رأيك بموقف أهل الخيام يا شيخ عبد الحسين؟ هو كان كبير العلماء. قال له: موقف أهل الخيام هو موقف المرتد عن الدين.

— شفت السلطة كيف بدها فتوى من رجل الدين؟ بدها فتوى. قال له: شو حكم المرتد بالإسلام؟ قال له: حلال دمه وعرضه وماله. هيدي فتوى الشيخ عبد الحسين.

— بيقوم كامل الأسعد بيقول لهم لبيت عبد الله: ليكوا، اللي بيموت موتة ربه تتشكوا إنه قتلوا حدا من الخيام، اللي بيموت عنده بقرة... شو ما صار معكم تتشكوا على حدا من الخيام. هذا التاريخ بـ 1900 لم يبقَ بالخيام شاب. كل اللي راحوا على المكسيك والبرgentين وعلى كذا هن بسبب هذه القصة.

— من بيناتهم جدي.

— وجدّك... وبيّه لكامل مخزوم، وهودي إيه، هاو اللي فلّوا... هودي ما رجعوا على الخيام لتصارت الحرب العالمية الأولى. يومها، هي هذا السبب عودة بيت عبد الله من يومها وتحكّمهم بأهل الخيام وسلطة وهن جماعة... أزلام الإقطاع، وكل هذا هذا الموضوع. هذا التاريخ هي من يومها بيّنت القصة. وقبل منها وقت إنه جابوا البغال لمحمد، شو هي؟ الحاج إبراهيم بعتها. ووقت اللي أوسوا للدروز بالمرجة على صابوا العالم... ما كلها هيدي بطولات بيت عبد الله بيعتبروها إنه هن، وإنه أهل الخيام زلمهم، وجنود عندهم.

— تاريخ الخيام القديم ما بيسوى. تاريخ الخيام القديم في تاريخ مشرف إنه أهل الخيام اشتركوا بمعركة فلسطين وراح شهداء، بس هيدي صرنا بـ 48 بالاربعينيات. بس اللي عم نحكي بـ 1900 و1890 وهيك كوارث! كوارث كانت عمّالها تحصل. لهذا السبب أنا ديك المرة كنت عم أقول لك: تاريخ الخيام هو بدأ تغيير طبيعة الصراع من صراع عائلات إلى صراع إله بعده السياسي والاجتماعي والطبقي وكذا، هذا هذا زرعت بذوره مع تنامي الوعي عند الشباب اللي بلشوا يتعلموا من الدكتور علي عواضة وغيره ومحمد الباشا وفلان وفلان وفلان، يعني هو تاريخ نشوء الأحزاب بالخيام، حزب البعث أولًا لأنه الشيوعيين كانوا بالظل، ما كانوا بالطليعة، اللي كانوا بالطليعة هن حزب... هن البعثيين.

— بعدين ليجوا الشيوعيين، وعن عملت كل عملية التغيير هاي اللي حصلت اللي جزء منها هو إنشاء نادي الخيام.»

--------

3-

«نادي الخيام...»

------

4-

«... النجدة الشعبية، هو مين أسسها؟ مين كان إله فضل بتأسيسها؟ كمال جنبلاط.

— النجدة الشعبية، ونادي الطيبة، ونادي الخيام... هاو تقدموا ثلاثتهم على وزارة الداخلية مع بعضهم. كمال جنبلاط كان يكايد كامل الأسعد، وظل يقول له: "أنت عم تشوف بالنيابة... يقول له: "أنت عم تشوف حبيب صادق ببنومك؟ عم تحلم بكابوس حبيب صادق؟" ما كان حبيب بلّش... أول مرة ترشح حبيب سنة الـ 68، وثاني مرة سنة الـ 72.

النجدة بلشت تشتغل على الأرض قبل ما تتأسس رسمياً بالـ 74 مع نادي الخيام ونادي الطيبة، كانت عملت مستوصف بالخيام ومستوصف بمركبا. وهذا تاريخ بدنا نقعد نحكي فيه بتفاصيله، لأن القصة مش قصة نحكي هيك على الماشي، لا!

إجوا هودي الثلاثة تقدموا مع بعضهم، وانرفضوا. وراح وفد مشترك من نادي الخيام، ونادي الطيبة، والنجدة الشعبية عند كمال جنبلاط ببيته على المصيطبة. كان نهار الخميس هو بيستقبل وفود. وصل الوفد هذا المشترك الثلاثة...

— مين من الخيام كان بالوفد؟

بعتقد كان هاني... كان... يعني كانوا هوني الشيوعيين بشكل أساسي، عرفت كيف؟ وهلا بتذكر لك يعني... ما بعرف إذا الدكتور علي... لا، ما كانش يومتها الدكتور علي عواضة. كانت القصة حزبية أكثر لأن كان أنور الفطايري على علاقة بالموضوع، عرفت كيف؟ بـ... بـ... بهيدي القصة.

المهم، قال: "شو القصة؟" قالوا... انقال له: "يا كمال بيك، إنه النجدة الشعبية، ونادي الخيام، ونادي الطيبة... إنه رفضوا لهم رخصتهم". قام كمال جنبلاط طلب... عيّط لبهيج تقي الدين اللي هو كان وزير داخلية، صرخ له: "يا بهيج...!" كذا، إجا هذاك ركض لعنده، قال له: "ليش هودي رفضتهم؟ نادي الخيام وكذا وكذا..." قال له: "يا كمال بيك، تقرير الأمن العام بيقول إنه هاو شيوعية". قال له: "يا بهيج، أنا سنة الـ..." هيدي عم نحكي بالـ 74، قال له: "أنا بالـ 71 كنت وزير داخلية وأنا رخصت للأحزاب، وبيناتهم الحزب الشيوعي. هِي أحزاب مرخصة، روح رخص لهأولاء!"

هذا هو سبب ترخيص النجدة ونادي الخيام ونادي الطيبة، كمال جنبلاط.

— وإيه... وبعد فترة بَعَث وراء النجدة ودَفّع... يومها للنجدة 50 ألف ليرة!

— دعماً للنجدة!

— آه، دعمها! مش دفعها... أوكي.

— دعمها بـ 50 ألف! بَعَث وراء النجدة، بَعَث أنور الفطايري وراح الدكتور محمد إيه... ومحمد المحامي محمد حيدر وفلان لعنده على البيت، إجا جاب سامسونايت فتحها بالصالون، فتحها وأعطاهم شي 50 ألف وقال لهم: "هذا للنجدة". هني اتعجبوا، شو 50 ألف!»

-------

5-

«... وبعدين قصة عبد العزيز جنبلاط، ألم يأتِ في ذلك الوقت ليُشرِف ويُمضي عبد العزيز لـ... لمستشفى النجدة؟ أنت هؤلاء لا تعرفهن، هذه الشغلات كلها.

لك ما هذا تاريخ! المهم أنا الذي أريد أن أقوله: تاريخ الخيام الذي يُحكى به، والذي له قيمة، والذي غَيَّر طبيعة الصراع هو الأحزاب.

ليس شيء آخر، وإلا كان الصراع... كان بعده صراع عائلات. بس هذه مع ماذا ترافقت؟ مع مرحلة نهوض تعليم والقصص، والتي كان على رأسها الرعيل الذي فيه الدكتور علي وهذه المجموعة.

هناك قصص كثيرة! عم يضعون هؤلاء على المنتدى حريبات وكذا وقصص عن تاريخ الخيام. تعرف أهل الخيام بالحروب العالمية الأولى أين هربوا؟ على الخالصة! ويقولون... لهم ردة يقولون فيها:

علقت الحرب ولحقتنا القِلّة

والناس تصرخ وتقول يا بلّة

ولما سمعنا فقعة الكلة

نِمنا على حالتنا تحت الزيتونة.

ويدبكون! ههههه بس خلصت الحرب... عرفت كيف؟

هناك تاريخ... هناك تاريخ، يعني هذه القصة في المنتدى وهذه الفلتة المفلوتين عليها الشباب والصبايا بدها ضبط كثير...

— وتاريخ الخيام حتى لا تتشوه القضايا، بدّه يُبرَز دور القوى السياسية التي لعبت دوراً؛ أولهم حزب البعث، وحزب الشيوعي بعدين، والقوى الوطنية واليسارية. هناك ناس ما كانت حزبية؛ علي... محمد الباشا ما كان... بلّش بعثي محمد الباشا، انتبه!

— إذاً بيّ... أنا هناك خبريات وتفاصيل وكيف كانوا يوزعون المناشير والمكاتيب والقصص والشغلات... بالخيام تحكي عن شكر الله كرم! هذا تاريخ!

— بيت عبد الله لعبوا كل هذا التاريخ... لك يا عمي أنت... بيت عبد الله وقت الذي كان يأتي رؤساء بلديات... جدي كم مرة عُيّن رئيس بلدية؟

— من كان يبتزّه؟ علي أفندي! كان يطلع عنده رياض الصلح ليأخذ لائحة مثل الأسعد. لائحة الـ 14 تبع أحمد الأسعد أُعلنت من بيت جدي بالخيام.

في تاريخ بدّه يُحكى بهدوء وبدّه يتركّز عليه، ولكن شرطه الأساسي إبراز دور القوى السياسية بالخيام التي نشأت مع بداية هذا الوعي، والتي تطورت، والتي والتي وصلت الآن إلى هنا.»

----------

6-

— «عم بتسأل... الهيئة الإدارية، أول هيئة إدارية للنادي ممّن تشكلت؟

— بـ... كان... تقريباً الدكتور علي، طلال يونس، وحسن... كانت 25 واحد.

— أوه! معقولة؟ هيئة إدارية...

— نعم؟

— هيئة إدارية 25 واحد؟

— إيه، وعملنا لها مكتب. لأقول لك ليش شو كانت السياسة تبعنا، كانت السياسة تبعنا استقطاب أكبر عدد ممكن من الوجوه المستقلة والديمقراطية... كان موسى فاعور، وعلي نعيم خريس، كل هذا كان بـ... وشاهين... هذا كله كان بالهيئة الإدارية الأولى، 25 واحد كانوا. عرفت كيف؟ وعملنا لها مكتب للهيئة الإدارية، بس يوميتها ما انترك حدا يزعل بالخيام، كل اللي عندهم وطنية ونـ... يعني كانوا الحزبيين ممثلين تمثيل، وفاتحين المجال ليفوت على الهيئة الإدارية ناس ديمقراطيين. وأنت إذا بتعرف المشكلة اللي صارت بالخيام بين هذا ابن فاعور وابن عبد الله...

— وقت انقتل واحد بواحد...

— وإجا إبراهيم عبد الله قعد تحت، ووزع بيان، أنا عندي نسخة منه، يقول فيه: "نحن السيوف البيض، ونحن، ونحن، ونحن"... عرفت كيف؟ النادي لعب دور أساسي؛ لأنها انفتحت بيوتات بالخيام... بيت عبد علي يونس، وبيت الحاج أسعد الدكتور مهنا... بدهم ينزلوا النادي وشباب النادي لعند إبراهيم عبد الله. يوميتها الهيئة الإدارية للنادي... والدكتور علي بيعرف هول الشغلات. بس لأنه هو ما كان شخصية حزبية، كنا نحن بالواجهة؛ كان يوميتها هاني عساف مسؤول الحزب الشيوعي. نحن يومها عملنا اجتماع للهيئة الإدارية بالنادي، عرفت كيف؟ إجوا اثنين كانوا ملقلقين موقفهم: موسى فاعور وعبد الأمير الأسعد مهنا؛ لأنه أثـ... لأن بيت فاعور في منهم حدا مقتول، وأسعد فاعور كان ساحت بارودة، وبيت مهنا عم يلعبوا دور سياسي. صار اجتماع بالهيئة الإدارية بالنادي تحت المعتقل. سمعنا لهم نحن، الشباب ملقلقين بدهم إنه: الله يلعن الشيطان، وبننزل وما بعرف شو وما بعرف شو وما بعرف شو. انحط موقف بسقف عالٍ: إنه ممنوع حدا ينزل. واللجان هني بدهم يعملوا هذا السقف الواطئ، موسى وعبد الأمير، كُلِّفوا من الهيئة الإدارية إنه: هلا كلنا بنقوم بننزل على بيت الحاج أسعد، بس اللي بيحكوا موسى وعبد الأمير مهنا، أنت يا عبد الأمير بتحكي هيدي ببيت أهلك. نزلنا لتحت... كل العالم تجمعت. شو عبد الأمير بيستجري يحكي قدام خيه محمد؟ صار يوعوع عبد الأمير وموسى وهذا... ما حطوا الموقف اللي نحن أخذينه وهيك. قام استلم الحكي الأستاذ، وفات هاني عساف عمل مداخلة نارية. ختامها بـ إنه أي نقطة دم بتسقط بالخيام بيتحمل مسؤوليتها إبراهيم عبد الله. ومش بس إنه نحن ما بننزل عند إبراهيم عبد الله، ممنوع حدا ينزل لتحت، وأي حدا بينزل لعند إبراهيم عبد الله بيتحمل المسؤولية. أنا كان قاعد حدي محمد موسى طويل، نكشني هيك وقال لي: "مين هذا اللي عم يحكي؟" ما كانش هو بيعرفه. قلت له: "هذا هاني عساف مسئول الحزب". قال: "هذا هو هاني عساف؟" قلت له: "إيه هذا هو". بعد ساعتين إبراهيم عبد الله هرب من الخيام.

— من وقتها هني على بـ... هلا هودي تفاصيل مش إيجابية، كيف انلاحق على بيروت، وتخبى، ومَرض، وابنه غالب... إيه قصص هذه. في تاريخ بالخيام هذا اللي بدّه يبين!

— بس يعني في شغلات دقيقة ما فيكش تحكي فيها بتصير الـ... الأُمور العائلية...

— لا ما بحكي فيها، بس أنا بدي أقول: لازم ينقال إنه مرحلة الوعي بالخيام وإنشاء المدارس والنوادي، هي جاءت مترافقة مع وجود القوى السياسية المنظمة...

— ...اللي غَيّرت طبيعة الصراع من صراع عائلي عانت منه الخيام كثير وأهل الخيام كثير، إلى صراع إله بعده السياسي والاجتماعي. لأنه ما فيش عائلة كلها منيحة، وما فيش عائلة كلها زعران، وما فيش عائلة كلها أوادم، وما فيش عائلة كلها فقراء، وما فيش عائلة كلها أغنياء. في أغنياء بكل العائلات، وفي فقراء بكل العائلات، وفي أوادم بكل العائلات. ما فينا نعمل هذا التصنيف العائلي؛ يا بن عمي ويا بن عمي، ما فينا.

--------

7-

---

— «كيف... كيف صار جمع التبرعات للنادي؟ ومن راح على الكويت وقتها؟ والأرض كيف اشتريتوها؟

— راح أكثر من... راح أكثر من وفد... شيء راح على على أبو ظبي، كان حسيب عبد الله كان مشنشط لأنه بده يترشح هو للانتخابات محل حبيب صادق. وصرنا نروح لعنده، ويجي قعد بالخيام وفتح بيته وصار يشتري جريدة النداء! هههه عرفت كيف؟ إيه، عم أقول لك في قصص بتضحك يا زلمة! يعني...

— اتبرع يعني؟ اتبرع للنادي لشراء الأرض؟

— إيه اتبرع، وفتح... وفتح لهم مجال للشباب بأبو ظبي وجابوا مصاري وجابوا من الكويت. وانشرت شقفة الأرض هيدي اللي بالجبل.

— ومن راح على الكويت؟

— راح علي عواضة ومحمد الباشا وراحوا كثار أنا هلا بتذكر لك إياهم يعني... ويمكن علي طويل... راحوا. هول هلا فيّ أنا... فينا نعرفهم أكثر، محمد الباشا عنده تفاصيل، بعتقد الدكتور علي عنده شوية تفاصيل. هلا أنا عندي، عرفت كيف؟ بس إنه هول اللي راحوا، راحوا وفدين، عرفت كيف؟ وجابوا مصاري، وانشرت شقفة الأرض من رفائيل الأسعد.

— امم.

— إيه... كيف انشروا التجمع المدارس... اشتريناهم من شكر الله. عم أقول لك في... في صراعات، كان عمي نايف معارض قاطِع الظهر لهيدي عند التراس، محل ما نحن عمرنا البيت وهيك.

— أيوا.

— كان مع أنه هناك شقفة 30 دونم... كان عمي ضد وشكر الله ضد. بالسياسة كنا نحن مع شكر الله. وإجا عمي نايف يعاتبني إنه أنا بالنادي وأنا... يعني بمعناه إنه أنا ضد مصلحة بيت حيدر، عرفت كيف؟ إنه أنا لازم أكون أيد الاختراح اللي قدمه عمي نايف. عرفت كيف؟

— أيوا.

— بعدين القصص اللي كيف اتعمر النادي وشو صارت وقصص... بس انشرت شقفة الأرض وبقيت فترة كبيرة شقفة الأرض اللي انشرت يعني... انشرت من رفائيل الأسعد.

— بأي سنة تقريباً انشرت؟ قبل التهجير، مش هيك؟

— إيه؟

— قبل التهجير؟ قبل الـ 78؟

— إيه، انشرت قبل، إيه. انشرت قبل. انشرت قبل دغري، بس إجوا من الكويت، بس تأسس النادي... يعني بالـ 74... هيدي انشرت بـ 75 - 76، هيدي.

— امم.

— النادي بأي سنة تأسس؟ أخذ الرخصة؟

— بالـ 1974. هو والنجدة ونادي الطيبة، 1974.

— أيوا. امم.

— خير، معلومات قيمة.

— بس قبل النادي ما يتأسس، كان في مكتبة ومستوصف معمولين بالخيام.

— مضبوط.

— كان ينعمل نشاطات، عرفت كيف؟ بـ... بـ... بـ... هذا الموضوع.

— المكتبة العامة، بتذكرها.

— بعدين... بعدين أهل الخيام وقت اللي اتهجرنا انقسموا شباب الخيام بالسياسة، وانعمل تجمعين: تجمع أبناء الخيام المستقل، اللي كان فيه اللي هني ضد اليسار؛ عبد الأمير علي مهنا، وعلي نعيم خريس، ومحمد عبد الحسين، وقرطة...

— أيوا.

— وانعمل قبالهم تجمع أبناء... لا، بالرباط نشأ "تجمع أبناء الخيام الوطني"، هذا عملناه نحن كأحزاب الحركة الوطنية. هني قاموا وعملوا "تجمع أبناء الخيام المستقل". وبلشت الزيارات، وفي صور إذا بترجع لأرشيف "النداء"... ما عندك صور ومقالات وقصص وشغلات يعني...»

---------

8-

إليك تفريغ التسجيل الصوتي المرفق:

---

— «والله فينا نجيبهم من أرشيف النداء؟

— إيه، بنقدم لهم طلب وبنجيبهم، إيه... لأن عاملين مؤتمرات صحفية، وعاملين قصص كثيرة.

— والتجمعات... أكيد بعد الـ... بعد ما العالم تهجرت، مش هيك؟ انعملوا؟

— التجمعات هذه... هذه بعد... بعد، انتبه، بعد الـ 78.

— إيه، بعد التهجير.

— إيه، لأن هني فاتوا على الخيام، الإسرائيلية والعملاء بـ 17 شباط الـ 77، بقوا هني بالخيام لـ 7 نيسان 77، بس.

— امم.

— بقوا شي 40 يوم، وكانت عم تصير عمليات بالخيام، بـ 7 نيسان صار الهجوم الكبير، في إله تفاصيل كثير وقصص وشغلات، استشهد يومتها خيه لغالب حسان.

— امم.

— إيه... وشهيد واحد سقط، ما سقطش بالمعركة يعني، سقط بالخطأ، عرفت كيف؟

— أيوا.

— يومتها صار كثير قصص وتفاصيل، ومو... أول هجوم كان بده يصير، إجا أبو عمار الساعة 12 بالليل على الحصبيّة، ووقف الهجوم.

ما كنا نحن قاعدين بالحصبيّة على النار، وبـ... بحاصبيا بمركز الحزب الشيوعي، عاملين خيم وننام، وبالليل الشباب يفوتوا يعملوا عمليات على الخيام.

كانوا متحمسين وكذا وكذا وقصص وشغلات... إيه، بعد منها هذه صرنا ببيروت، ونشأت هذه التجمعات.

— امم.

— عرفت كيف؟

— دخلك المظاهرة على القصر الجمهوري، التجمعين مع بعضهم شاركوا فيها ولا كل شيء لحال كان؟

— إيه، شاركوا فيها أهل الخيام كلهم، إيه... إيه كلهم أهل الخيام.

— حلو، كويس.

— التظاهرة على القصر الجمهوري، لأن لما بتشوف الصور بتشوف من الشهيد قاسم باشا لـ... اللي بدك إياه، كله بتشوفه بالتظاهرة.

— امم.

— إيه، إيه، كلهم، كلهم كانوا موجودين. وفي... وقت اللي... وقت اللي... تم إحـ... احتلت مرجعيون، ثكنة الخيام سقطت بالّأول.

ثكنة الخيام سقطت بالّأول، بعدين سقطت مرجعيون.

— امم.

— وقام كان قائد الجيش حنا سعيد من القليعة، هو اللي قال لهم للـ... لجمعة القليعة والعسكر الموارنة: "خذوا الآليات وروحوا احطـ... على تل النحاس"، راحوا وقعدوا على الشريط مع إسرائيل.

— امم.

— كانت تحميهم إسرائيل. وتشكل وفد يومتها...

من... المطران... والمفتي... هذا الحاج حسن عبد الله... وعمي نايف، ويمكن علي رشيدة... كلهم الله يرحمهم ماتوا هلا. وأخذوا قرار يجوا يسـ... يقابلوا قائد الجيش.

حنا سعيد باليرزة، ليطلبوا منه إنه... يسووا الوضع بالمنطقة.

وإنه ترجع الآليات، وبيطلع خليل الجلبوط بيستلم المنطقة هناك كضابط حيادي.

عرفت كيف؟

إجا الوفد على اليرزة... قعدوا باليرزة، وإجا قائد الجيش شافهم. سلّم عليهم وقعد. صاروا يحكوا إنه... كذا، الآليات وما الآليات اللي أخذوهم على تل النحاس، قال لهم: "آه، جايين عشان الآليات؟" قالوا له: "إيه، وإنه كذا..." قام... وفلّ!

بقوا هني قاعدين، فكروا راح يعمل اتصالات أو شيء يعني.

قالوا له للضابط اللي واقف على الباب إنه: "شو، الجينرال وين راح؟" قال لهم: "الجينرال فلّ!"

تركهم قاعدين وفلّ!

— يا ليل!

— اللي فتح الخط على إسرائيل هو قائد الجيش حنا سعيد. طبعاً بقرار سياسي من كميل شمعون وجماعته، ما هذا شريط! كان صراع مفتوح، يعني...

— أي سنة؟

— نعم؟

— أي سنة هيدي؟

— هيدي... هيدي... هيدي بـ 78... هيدي بعد الاجتياح مباشرة.

— أيوا.

— إيه... إيه، يعني... في تاريخ بده...

— قعدة مطولة.

— ...يعرف الوقت كيف بده يحطه لهذا التاريخ، ويبرز دور القوى السياسية اللي لعبت هذا الدور.

— بس حرام ما تدون هالمعلومات أنت، حرام يعني يروحوا هيك.

— إيه، أنا عندي كثير معطيات وقصص وشغلات، و... الاجتماعات اللي صارت، عندي كثير تفاصيل، بس إنه هذه مثلاً... يعني لو أنت هون وقاعدين، بصير بدي أقعد أسجل لك فويسات ويووو... عرفت كيف؟

— أيوا.

— في كثير معطيات، كثير كثير يعني، قد ما بدك هاديك المرحلة وتفاصيلها...

— ليك، هلا أنا راح أجرب... راح أجرب لخص شوي من اللي قلت لي إياه أنت. ونعرضهم عليك قبل ما ننشرهم.

— إيه، أنت بدك تحطهم باسمي؟

— بدي أعرضهم عليك، وبالشكل اللي بتلاقيه مناسب أنت... باسمك، مش باسمك، باللي بدك إياه.»

--------

9-

إليك تفريغ التسجيل الصوتي المرفق:

---

— «ما تحطها باسمي...

— ما يهمك، عم قول لك اللي بدك... عم قول لك اللي بدك إياه.

— إيه... إيه، حاول أنت هلق يعني... تلخص شوي، وبنتواصل.

— أوكي، رح ابعث لك إياهم بالأنول.

— بالأنول ببعث لك إياهم.

— إيه.

— أوكي، مشكور على المعلومات القيمة، ونظل على تواصل.

— يلا، أهلاً.

— الله يحفظك.

— أهلاً، أهلاً.

— سلم على حمودي ها. مع السلامة.

— وصل، سلامات، باي.

— باي.»