بعد التصريحات السياسية التي أدلت بها الفنانة #إليسا في حلقة صار الوقت مع الاعلامي #مارسيل_غانم على ام تي والتي وصفت بـ الجريئة، ردّ مقدم البرامج #هشام_حداد على إليسا من دون أن يسميها قائلا في تغريدة هجومية:‏ "عنجد في ناس عم تتناقل موقف سياسي لفنانة شبه امية؟ انت شو الك بالسياسة؟ بالاقتصاد؟ بالاجتماع؟ انت قارية جريدة بحياتك؟ انا اكتر واحد بنتقد صهر العهد بس انو يصير اللي بيسوى و ما بيسوى بدو يفتي بنجاح أو فشل ميشال عون ، كتير هلقد...غني يا حياتي و بيعي اكتر من ٧٠ تيكت وما بَدنا منك شي".

هذا الهجوم استدعى رداً مماثلاً من جان نخول في حساب حداد الذي قال له: ‏"لكان ما تقتل حالك إنت ومحطتك عالرايح والجايي لتطلع معكن تا تحكي يللي حكيتن مبارح وتنشدق فيها ساعتها. كنت بتوقع منك مستوى أفضل من هيك بس يبدو طلعت غلطان".

ودخلت في الرد ايضا نوال برّي التي تهكمت على كلام حداد، فقالت: "‏‎طلع اليسا شبه امية، يعني الانسان المعتر يلي مش معلم ويلي ما بيعرف يكتب ويقرا ممنوع يعطي رأيو بالسياسة ولا اذا قادر يعيش بهالبلد ولا اذا السياسيين عم يعطوه حقو..عظيم!! منيح عرفنا!! بس المثقف بيعطي رأيو بالوضع السياسي بالبلد".

ردود فعل مماثلة تبعت هجوم حداد على اليسا الذي عاد وغرد قائلاً: ‏"بعد في محمد صلاح بس ما شتمني من ساعتين لهلق... الله على أخلاقك يا بو مكة يا فخر العرب".