الحاجة فوزية ابو عباس (أم بسّام قانصو): بالقليعة حدنا جيران وكنا منشرب بفرد قِلّة

---

الخيام حلوة بظهر هالتّلة

وحدها لحالها مستقلة

من ميتّها بيرتوي العطشان

وسهلها واصل للمطلة

بالقليعة حدنا جيران

وكنا منشرب بفرد قِلّة

كنا شرك عالأرض والفدّان

و عالبيادر نقسم الغلّة

محمد وحنا ينصبوا العرزال

ونحنا نحوش تين بالسلة

وعالبياردة نقطف الدخان

ونقعد نشكّن بالسلة

وعالريققة ننظم الأشعار

وعيسى عالمجوز يدقلي

وحد الدردارة بستان المطران

وعالقنايا نقعد نصلي

شوي الدولة ودتلنا حداد

عمل اكبر جيش ونزل عالمطلة

وبالمدافع رحلوا السكان

وقالوا الخيام محتلة

عملوا مجزرة ومعهن الجيران

وقتلوا الشيخ الي كان عم بصلي

نهبوا البيوت وهدموا البنيان

وقلعوا الزيتون المدلي

وجاروا علينا وجابولنا حكام

ورحت للخوري الي عم بصلي

قلتلو أبونا وين الجيران

قلي يا بنتي راحت الجيران

وهدوا العرزال وکسروا القلة

وليش بعدك هون ما تفلي

وين راحوا الأهل والجيران يا دلي

ومتل ما قلي الخوري رجع قلي

* الحاجة فوزية ابو عباس (أم بسّام قانصو)