تحية لكامل جابر.. للرجل الذي حوّل الحنين إلى وثيقة، والذاكرة إلى مقاومة، والتراث إلى حياة لا تموت

---

‏‎في زمن الغارات والهدم والنسيان، وقف رجل واحد وقال: التاريخ لا يُمحى!

‏‎مش كل الأبطال بيحملوا بس سلاح، في بطل حمل سلاح من نوع آخر، حمل القلم والذاكرة، وكمان حمل النبطية وجبل عامل كله على كتافه.

‏‎كامل جابر،

‏‎رئيس فرع محافظة النبطية في المجلس الثقافي للبنان الجنوبي، ونائب رئيس جمعية حماية التراث، مش مجرد اسم بمقال، بل هو الحارس الفعلي لتراثنا وحكايتنا.

‏‎بالوقت يلي كانت فيه الحرب الإسرائيلية الأخيرة عم تمحي البيوت والأسواق والذكريات، كان كامل جابر عم يوثق، عم يحفظ، عم يصرخ: "هيدي مش مجرد حجارة، هيدي هويتنا".

١٤٧ مبنى تراثي بين بيت، قصر، سوق، مدرسة، وحارة، وثقها كامل جابر بشكل واضح حتى ما يقولوا بكرا "ما كان في شي هون"!!

كيف لا وهوّي يلي قال: "تراث جبل عامل تحت الانقاض، بس تاريخه بيرفض الانقراض".

‏‎هوّي يلي علمنا إنو سوق النبطية مش سوق، هو ذاكرة أجدادنا.

‏‎وإنو بيوتنا القديمة مش خرابة، هي كتب مفتوحة بتحكي مين نحنا.

‏‎وإنو يلي بيخسر تراثه، بيخسر روحه.

كامل جابر ما دافع بس عن حجارة، دافع عن كرامتنا وماضينا وحاضرنا ومستقبلنا،

‏‎

دافع عن 60 مدينة وقرية، عن أصالة عمرها مئات السنين، عن قصور كانت بيوت للزعامات، صارت اليوم شاهدة على حرب حاولت تمحي كل شي.

‏‎واليوم من موقع Nabatieh national حبينا نحط اسمه بالواجهة، مش لأنه طلب الشهرة، بل لأنه الرجل الذي بقي واقفاً، لما الكل كان خايف ينسى.

‏‎تحية لكامل جابر

‏‎تحية للرجل الذي حوّل الحنين إلى وثيقة، والذاكرة إلى مقاومة، والتراث إلى حياة لا تموت

* المصدر: موقع Nabatieh national