الأستاذ نبيه حشمه

---

الخيام بلدنا والأهل أهالينا

من الشرق للغرب كل الحلا فيكي

مروج خضرا بالخير كافينا

وعيون صافية بالمي تسقيكي

خندق حبق وشجر كينا

وتين عسلاني كلّه حواليكي

الخيام بلدنا وفيها ربّينا

بطلب من الله دوم يحميكي

يا ريت كان بعد عالبلد فينا

نرجع عَ معشر شباب دبّيكي

وعَ الخيام ما عاد جينا

ومن بعيد صرنا نحاكيكي

كبرنا بالعمر وما نسينا

عنّا صحاب ومحبّة أهاليكي…!

خيام بني يعقوب بمراعينا

ليش الناس بالاسم لبّيكي

هون جبّ النبي يوسف نبينا

هون يعقوب عَ ابنه صار يبكيكي…!

نبيه حشمه – كندا

نبيه حشمه وكافة أبناء الخيام المغتربون.. الخيام تسكن في قلوبهم

---