صورة لمدينة الخيام نشرتها وكالة الأنباء الفرنسية (ا ف ب) بتاريخ 13 تموز 2026

---

رح ترجع أصحاب الارض وترجع معهم الزوار

قلو يا خيي رجعوا الخياميي،

قلو يا خيي رجعت اصحاب الأرض،

قلو يا خيي رجعت معهم الزوار،

بس لا رجع بيي ولا اتصل حدا فينا،

قلو يا خيي عرفت باللي صار،

لعند جدي مين اليوم يهدينا،

قلبو لجدي بهالحرب صار شعلة نار،

كنّا دايما نزورو وينبسط فينا،

جدّي يا خيي راح يحكيلنا،

بكل المطارح بالخيام شو صار،

ومننده كل الأهل،

والاصحاب،

والجيران،

عالارض يلّلي بتحبها يا جدّي جينا،

والكل بيسألوا الزوار،

بأرض الخيام الحبيبة شو صار،

اليوم كلّها زهور،

وأشلاء مقاومين ومفقودي الأثر وثوّار،

قلّو يا خيي،

رجعت أصحاب الأرض،

رغم كل يللي جرى،

وكل يللي صار،

رح ترجع أصحاب الأرض،

وترجع معهم الزوار،

والخيام ما منترك لو ما صار فينا،

الخيام ما منترك لو ما صار فينا.

هيفاء نصّار