بكرا العيد وبنعيّد..

ليلى رحيّل: رح نحتفل بنصر، رح نأبّن شهدا، نتطمّن عاجرحى، نتأكد من رفات مخطوفين..
ليلى رحيّل: رح نحتفل بنصر، رح نأبّن شهدا، نتطمّن عاجرحى، نتأكد من رفات مخطوفين..


مدري ليش كانوا يغنّولنا نحنا وزغار...

بكرا العيد وبنعيّد وبنذبح بقرات السيد...

والسيد ما عندو بقرة بنذبح بنتو هالشقرا...

والشقرا ما فيها دم بنذبح بنتو وبنت العم....

وصرنا كبار وذبحوا قدامنا الشقر والبيض والسمر...


بكرا العيد....

رح نحتفل بنصر... رح نأبّن شهدا... نتطمّن عاجرحى.. نتأكد من رفات مخطوفين...

رح نواسي حزن كل بي وإم وإخت وخي وعمّ وبنت عمّ.. وكل البيض والسمر والشقر.. الكبار والزغار المحزونين من سنين...


بكرا العيد... مدري شو لازم نعمل بعد...

نهنّي مسؤولين أو نحاكمهن...نحاكم قتلى مجرمين.. نحاكم سراقين لحقوق كل الناس...

نحاكم كل اللي عم يذبحوا بقرات الناس...

أو نظل بعد نغنّي.. بكرا العيد وبنعيّد...

تعليقات: