توفيق سلامة هو شقيق الهارب المطلوب للعدالة رياض سلامة

اليوم معروف علنا مكان تواجد الهارب المطلوب من العدالة رياض سلامة، العقل المدبر لسرقة ودائع الشعب لللبناني. إذا تهربت السلطات المتواطئة من اعتقاله متذرعة باستحالة معرفة مكانه، نحنا الشعب مش غشم ورح نعمل شغلهم.

أنا ومرتي نازلين نكمشو، وكل واحد رجال مسروق بهالبلد يلاقينا ويوقف معنا، أو يسكت إلى أبد الآبدين ويروح ينضب! قديش صرانا عم نقول خلصنا حكي لازم أفعال؟ صار الوقت.

بدكم الودائع؟ بدكم تتحركوا؟ عمموها ولاقونا بكرا، الأحد ٣١/١٢/٢٠٢٣ الساعة ١١، كنيسة مار الياس أنطلياس، وكونوا جاهزين أتم الإستعداد.

ممنوع التعازي على ودائعنا.

غدا، الساعة ١١، كنيسة مار الياس أنطلياس. خلي كل لبناني حقيقي يكون هونيك. لا تردد، لا تراجع. ممنوع الخوف، خلي البلطجية الجبناء يهربوا قدام حقنا وعزيمتنا وغضبنا!

عمموها لكل البلد. سنة ال٢٠٢٣ رح تكون سنة توقيف رياض سلامة لعودة ودائعنا المسروقة.

مواضيع ذات صلة:

ظهور رياض سلامة خلال الصلاة لراحة نفس شقيقه في أنطلياس

غادة عون: ألا يجب ان تنفذ مذكرات الاحضار بحق رياض سلامة المعروف مكانه؟