المختار علي رشيد

نعم اصبحت الحارة الشرقية شرقية بكل ما للكلمة من معنى، فمنذ استلامه المخترة، عمد المختار علي رشيد إلى ختم صورة الحي من كل النواحي:

حفظ الامن ، المحافظة على راحة السكان و ايصال أصواتهم لمن أرادوا أن يسمعهم ..

وجك خير يا مختار و ليش لأ ،طالما الخير كلو إجا معك ، ازدهرت الحارة من ضحكتك ومحبتك ، نقلتلنا الخط العام لعنا و الخير لقدام..

صار عنا مين يخبز و يعجن ، مين يلبّس و يحجّب ، و بو نعيم الله يديمو ما حارم الخيام كلها من شي ..

وين بتلاقي غالات و مفاتيح إلا عند الباشا؟

مرتك ما عاملة غدا ؟ ايه بسيطة ، علي هيفا بيطعميك و بحليك كمان ..

ايه و كمان ، حسين عكر موجود ليعبيلك و يجهزلك تلفونك على آخر طرز تا تحي براحتك و أيا مشكلة بتواجهها بيحللك ياها الخريس للالكترونيات ..

انشالله مفكر انو خلصت ، و عادل شو عم يعمل ، بكلمتين بيلبسك و بيعملك خواجة من لي قلبك بيحبو هيك بتفوت عند حسن عيسى يللي ما في قدو بالماتشات و الحماس ..

عم قلك ازدهرنا و بعدك ما مقتنع ، قلي بدك اراكيل ؟

بس طلوب وتمنى ،

بدك تسافر ؟ تختم ؟ لك حتى تتزوج ؟ المختار بختم واحد بوصلك للقمر و مع موتيرات البلدية، خلص كملت معنا القصة

يعني بالآخر ما فينا نقول إلّا الله يديمك يا مختار و يديم هالحارة و اهلها ..

زهرة سالم شيري

الخيام ,الحي الشرقي

زهرة سالم شيري: علي رشيد.. وجّهك خير يا مختار