فقيدا الخيام الغاليين علي يونس كلش وحسن الأمين

يا رفاق العمر...

يا كل الأمهات والآباء...

يا كل الأخوة والأخوات...

سامحونا عا كل الأسى اللي بقلوبكم...

عا دموع فاضت فيها عيونكن بموتتنا...

كنا رايحين نشم الهوا.. نفرح ونتسلى...

كنا مستعجلين..  وهيك شاء قدرنا...

إنو نموت ونترككن ونزرع الحزن بقلوبكن...

يا رفاق العمر...

يا أحلى شباب...

مش رح نترككن ولا لحظة ولا نهار...

رح نكون معكن بكل رحلة ومشوار...

وكل ما حملتو المفتاح ودورتو السيارة...

وعداد السرعة تخطى المعدل والإشارة...

تذكرونا... واسمعونا...

عم نصرخ بأعلى صوتنا من قلب مقهور...

ومن عمر ما لحق يشوف الفرح والنور...

ابعدوا عن الكوارث.. سوقوا عا مهلكن...

عيشوا برواق... ما تخسروا عماركن...

ما تسرعوا... ما تموتوا متلنا.. بنترجاكن...

حسين شحادة... رفيق الدرب والمشوار...

ادعولو ليرجع لأهلو بالسلامة عالدار...

وهوي بخبركم كل الحقيقة وشو صار...

وقديش صعبة خسارة الشباب وقصف الأعمار...

وبالآخر...

شكراً عا كل شي عملتوه كرمالنا...

بس وصيتنا لكتار من اللي زارونا...

هيك خلّيتونا لنموت وجيتو شرّفتونا...

يا ريت شفناكن نحنا وبعدنا عايشين...

وغمرتونا بكل هالرعاية والحب والحنين...

كنتو فرّحتونا وعشنا بعد أكتر شوية سنين...

وحلمنا بمستقبل وعيلة متل كل البني آدمين...

خلص... شو عاد ينفع الحكي...

نحنا متنا... شوفوا رفقاتنا شو عايزين...

قبل ما يموتوا متلنا بشحطة فرام مقهورين...

موضوع ذات صلة:

البطل المغمور.. حسن الأمين

حسين شحادة.. ادعولو ليرجع لأهلو بالسلامة عالدار