مسيرة وطن


دزينة شباب وغيرهن كتار...

قلبهن عا هالوطن يكون إلو قرار...

وليوصّلوا صوتهن قرروا المشوار...

600 كلم عا كل حدود لبنان ب 52 نهار...


هدفهن التوعية والنداء لكل اللبنانيي...

شعارهن سوا نشارك لنبني دولة قويي...

هنّي مسيره وطن بدها هالوطن يمشي...

فقالوا...إمشي تا البلد يمشي...


ب 1 تشرين من ساحة الشهدا بلّش المشوار...

مشيتوا لتتواصلوا وتحكوا مع الناس...

ونحنا عا بواب انتخابات نيابية...

لتشرحوا إنو في قدامنا فرصة تاريخية...


جيتوا توعّوا الناس وتقولولهن...

جرّبوا.. نبّشوا.. ترشحوا..شاركوا...

ورشّحوا اللي بيعمل تغيير...


اليوم إنتو ضيوفنا بالخيام...

لنكفّي معكن السير والمصير...


نشالله هالمسيرة تغطي كل مساحة الوطن...

من الشمال للجنوب.. ومن الشرق للغرب...

ومفاهيم التغيير عند الكل تكون رفيقة الدرب...


نشالله بمشواركن كل اللي بدكن ياه يصير...

وكل الناس تقتنع ليتغيّر للأحسن المصير...


لليوم صرتو قاطعين أكثر من ربع المشوار...

نشالله بيوم الاستقلال وعند خط النهاية...

يكونوا المجتمعين حواليكن كتير كتار...

لترفع مسيرة وطن.. شارة الانتصار...

مواضع ذات صلة:

المهندس أسعد رشيدي: «مسيرة وطن» على موعد مع الخيام

مريم الشيخ علي: حملة «مسيرة وطن» تحط رحالها في الخيام

ليلى رحيّل: «مسيرة وطن»






تعليقات: