الحاج غورو‎

غورو الفرنساوي كان مستعمر بلادك.. غورو الخيامي إستعمر قلبك!

غورو الفرنساوي ترك بلادك بس غورو الخيامي بقي بقلبك!

مين الحاج غورو؟

كثار بيعرفوه بهاللقب أبو حسين إبن الحاج سليمان غصن هوّي: الحاج علي قصتي معو من طفولتي وقبل ما أولد.

غورو عمّي خي جدّي بي بيِّ او عبدو الحاج محمّد سليمان غصن

كنت معجب بغورو مش طعمي التم بتستحي العين إمّي كانت تعد حسنات عمها غورو، إنسانيتو.. كرمو.. طيبتو وقوة محبتو لكل الناس..

وذرّيتو بيقولوا بفخر نحن غورو إنسان بسيط صاحب أخلاق وضمير..

والأخلاق والضمير كنز كبير وعمي غورو كان كنز مبارح ب 7 أيّار مرقت عا محل إبنوا الوسطاني: أبو عماد وأخذت الإذن حتّى إكتب.. علماً ما بدّي إذن أنا واحد من ولاد غورو.


الحاج غورو


بتذكّرك كل يوم يا حج غورو

مثل مصباح بالعتمة شع نورو


حبّيتنا ومن جوّات قلبك الحنّيٍّ

والولد تزيد سرورك على سرورو


وجّك الحلو والضحكة علامة مميّزة

وكل الولاد من عمّي أبو حسين غارو


كلمات نسمعها وما طلعت من قريب

محبّتنا إلو مش لجيبتو ولا دينارو


كريم النفس وآخر همّو المصاري

حاتم طي إذا حدا بالبيت زارو؟؟؟


وإمّي الله يرحما تشوف حالها فيك

وتقول:عمّي ......ربنا توسّع ديارو


ويا ولاد عمّي بنفتخر بجودة المحصول

لإنو عمّي غوررو تعب بتنقاية بذارو

تعليقات:

    أصبحت التعليقات ترد بشكل فوري من خلال هوية المتصفح على الفايس بوك. وستكون من مسؤولية أصحابها الذين نأمل منهم الحفاظ على احترام الأصول واللياقات في التعبير.