الكذب بالجملة

أسعد غصن
أسعد غصن


نسبيّة...الستّين...أرثوذكسي...مختلط...طالع نازل...كلّو كذب لمّا

بيقولوا لمصلحة الناس؟؟؟؟بالعكس ...مصالح خاصّة..ليش؟؟؟

الكل بيعرف بس أنا بعرف وبكتب..وبعرف هالكتيبة:مثل الضراط

عالبلاط...مثل مجرّب ومعروف..

حجج؟؟؟شفناكم تحت..وشفناكم فوق...يعني جرّبنا أكثريّة 8 وجرّبنا

أكثريّة 14؟؟؟؟شو تغيّر؟؟؟؟ولا شي..سياسة نهب الشعب هيي

الأساس؟؟؟؟والمعارك اليوم دايرة:عمين بيطلعلو أكبر عدد..ليش؟؟

لأن غنائم البلد بتتوزّع مش بالتساوي...كل واحد بيطلعلو..على عدد

الرّوس إللي بكتلتو...هذا الخلاف...قديش ؟؟؟كم سنة من الطائف

لحد اليوم....بيحوروا وبيدوروا...وبيرجعوا للستّين...والنسبيّة إعجاز

بكرة بيتحججوا بالفراغ...دولة مهريّة وشعب بيشم كل الروائح..زبلة

سمسرات...نهب بكل مرافق الدولة...وعا قلبو مثل العسل..ليش

بنعلّي الصوت؟؟؟؟؟بتعرفوا ليش؟؟؟لأن الزعما بيطلبوا من إللي

بيعلّوا الصوت...يعلّوا الصوت...وكتابات كل الشعب اللبناني بلا

طعمة...لمّا بتبقى حبر عالورق..أو أصوات...إعملوا فسيرى الله عملكم


الكذب... بالجملة

عالهوّارة الهوّارة.......دولة مثل السيّارة

بتقضي عمرا بالكاراج ومصلّح بلا جدارة

سب الدولة عالمكشوف والنيجة رح بتشوف

ناطر سجّانك عالباب.....حامل مرسوم وزارة

نيّالك يا بو حصانة.......كل حقوقك منصانة

بتركض مثل الشاطر......بهزّة راس أو إشارة

وبيتحاسب غيرك عالنيّة..ولازم يدفع الديّة

مطلوبن فوق المليون..وهوّي ما بيملك بارة

همّن مصلحة الجمهوروالحبلي بالرقبة مجرور

زعيمك قاعد بالحصن ......صعبي تعملّو زيارة

الداخل لعندو مفقودوالخارج من عندو مولود

ومن بعدها بينكر معرفتك..وإنتوا ولاد الحارة

عناوينن نفس المحور وبين حقيقة وكذبة محيّر

وحتّى تسلطن بالتبغات .......الأركيلة بدها نارة

قوانينن فيها التهجير لا تجادل .....عمرك قصير

بيتك منهم معروف.......أوعا إحترس من الغارة

إضحك قال:بدهم نسبيّي بيضكوا عليك وعليّي

هنّي أصحاب المحادل ونحن بإيديهم إسوارة

وحق الكرسي .........سلّة مليانة شروط وغلّة

ويا شعب لبنان العظيم ربحك صار خسارة

تعليقات: