الحصانة

الكاتب أسعد غصن: الحصانة  الحصانة كنز ..للّي معاوزينا حتّى يأمنوا عالمصاري السارقينا
الكاتب أسعد غصن: الحصانة الحصانة كنز ..للّي معاوزينا حتّى يأمنوا عالمصاري السارقينا


المال..والسلطة.توأم...المال بدون سلطة..بدمّر صاحبو...صاحب المال بحاجة ليحافظ على مالو....والسلطة هيي السبيل...

والسلطة بلا مال بتنهي صاحبا... المال بأمّن إستمراريّة السلطة... بتأمين القباضايات والتابعين وووووو؟ وبيشترى المستحيل.

والسلطان عندو شي مميّز(حصانة) مثل الخرزة الزرقا ...بتبعد عنّو الشرور...وبتخليه يتحكم ويعمل السبعات والذمّات... وما يتحاسب...

الحصانة: مثل الحصن...بتحمي...وبيحق للمحصّن ... يبحش قبر بيّك... وما بتسترجي تجأرو..

الضرب ..وإذا بقيت طيّب...الحبس.

وبيحصّن حصانتو بالعلاقات والخدمات (النهب وكل أنواع الممنوعات وحتّى بحقّلو يدعوس القوانين.)ولمّا بدّو يمرق بسكروا الشوارع... بفيلم مصري إسمو طبّاخ الريّس...الريس سأل الطبّاخ... مرقت اليوم فوق الكوبري ما كان في ناس...الطبّاخ قلّو: نحن كنّا تحت الكوبري..

وهون :كنت من فترة قبل نفق سليم سلام متّجه صوب المدينة الرياضيّة..البوليس موقف السيارات بقلب النفق..عالخط الثاني حتّى مرق موكب واحد(محصّن).

ملاحظة هامّة:كل هالمعلومات عن الحصانة وسر الحصانة وسحرها...سمعتن عالتلفزون من برامج سياسيّة.مش عم إفتري.


الحصانة

الحصانة كنز ..للّي معاوزينا

حماية إذا المعارك داخلينا

مش على الجبهة بغاية التحرير

حتّى يأمنوا عالمصاري السارقينا

أو عالمعابر والموانئ بعد السفر

شنط ملياني ممنوعات مهربينا

وإبن المرا يقول: إفتح الشنطة؟؟

عصي الدني ..عراسو مكسرينا

والفقير إللي ما تشرّف بالحصانة

كرامتو كرامة سيجارة محطمينا

ودخان تهريب منين عم يطلع؟؟

جماعة أصحاب الحصانةمهربينا

وأموال مبيّضة..ومين عم يبيّض؟؟

وكل الذمم...بالمحاصصة مطهرينا

وكّلتوا البسينات يحرسوا اللحمة؟؟

مش بس اللحمة والزبالة ماكلينا

تعليقات: