الحيتان.. والسلّة (ج أوّل)‎


رأس الهرم...وراس الهرم كثير عالي...بقطع النفس وصل بس حامل سلّة.. لولا هالسلّة صعب يوصل مستحيل يوصل كان معذور لو محتوى السلّة مش معروف.. بس مع الأسف معروف ومدروس ومعطى وعود بتنفيذ المحتوى.

وفعلاً؟؟؟ خاب أمل الشعب العظيم من أول قانون إسمو قانون الإيجارات التهجيري والكل بيعرف ما عاد في ملاّكين صغار معتّرين يحملوا الكعكة

حتيان المال ريّحوهم من حمل الكعكة وإشتروا كل أملاكهم وحتّى يكملوا مشاريعهم ويهجروا المستأجرين المعتّرين عن جد بدون مقابل

إجا القانون مبكّل من كل سلطات هالبلد...وهون بلّش التغيير بس بدون إصلاح بلّش مع هدم وتهجير.

وبعد في قوانين ضرايب عالطريق هديّة لكل الشعب العظيم وحقيقة

شعب مش عظيم متخاذل منحاز لجلاّدو لقاصف عمرو..ولناهب خيرات بلدو.

بالجزء الثاني بكفّي وبتمنّى يبقى مقالي مدّة كافية عا صفحة الخيام ليتسنّى للشعب العظيم الإطلاع عليه يمكن حدا من جماعة التغيير يوصل صوتي

يللي هوّي صوت المعتّرين لراس الهرم... والله يجيرنا من الآتي.


الحيتان.. والسلّة

حيتان المال بالسلطة

والكلمة بتغيّرا نقطة

وضعوا هداياهم بسلّة

قوانين للناس جلطة

ولا يوم شرّعوا لصالحنا

وعندهم للنهب خطّة

وكل جديد بيسب السلف

وبين كل عهد ميّة محطّة

وشعب إسمالله على وجودو

مثل قلتو حامل الشنطة

ويوم الحشر مثل الشاطرين

زي ما هيّي بتنزل الخلطة

ويا ويلك إذا رفعت الصوت

العلقة أرحم من البلطة

قالوا زمان: يلعن الغبي

بيستاهل مليون لبطة.؟؟؟؟؟

تعليقات: