صاحب موهبة‎

الكاتب أسعد غصن:  بتمنّي شي يوم إكتب مثل شاعر  بملك موهبة وغزارة بالمشاعر
الكاتب أسعد غصن: بتمنّي شي يوم إكتب مثل شاعر بملك موهبة وغزارة بالمشاعر


بتمنّى كل ما فكّرت أوحملت القلم او سمعت شعر؟؟؟بتمنّى صير شاعر براسي وبمخيّلتي كثير من الصور وكثير من الأفكار بغنّي بعض كلمات بجمّع بعض كلمات بفتح على دوت كوم الخيام بنقل الصور والأفكار والأحاسيس بكتب مباشر من دون تحضير وبعدين عالدفتر وأهم تمنّي عندي إللي بكتبو يوصل لقلوبكم بالتعبير إللي إنتوا بتحبّوه أنا بكتب وإنتوا الحكم وأن شاء الله ترضيكم كلماتي.


صاحب موهبة

بتمنّي شي يوم إكتب مثل شاعر

بملك موهبة وغزارة بالمشاعر

وكيف بيبقى القلم بالإيد أخرس؟

وربنا خلق بخيامنا أجمل مناظر؟

لا الوزن ولا التقطيع هنّي الشعر

كلمات حلوة من القلب بتسر خاطر

وكل الناس تتقبّل بساطة المكتوب

مش بس المتخصص باللغة وشاطر

مفاتيح كلمات تدخل كل القلوب

لا سد يمنعها لا حاجز لا معابر

قيمة الشعر:مش بمين كتب هالشعر

قيمتو يفهم الأُمّي شو كتب شاعر.

تعليقات: