أسعد غصن: بكل ذكرى رحيل... بحتار شو إكتب... العواطف إللي بنحسها صعب نوصفها

بيركض العمر...والإيّام بتسرقو

ولحظات الفرح بلمحة بيمرقو

وصعب إعترف بصورة الحاضر

والماضي بعدني واقف عا مفرقو

بفكّر بأحباب بالأمس كانوا معي

واليوم كل أحبابي عنّي تفرّقوا

من الماضي..كثار قلبي حبهم

بين ولاد وأحفادهم.ما فرّقوا

صعب عد..كل غالي رحل عنّي

كلهم مثل الشمس علييّ بيشرقوا.

بكل ذكرى رحيل...بحتار شو إكتب...العواطف إللي بنحسها

صعب نوصفها...ولمّا بلّشت إكتب اليوم..ما كنت محضّر...

كتبت كم سطر إرتجالي...وكل ما كانت الذكرى غالية.....

بيكون التعبير أصعب...ب21 الشهر ..رحل غالي على قلبي

وب23 الشهر ...رحل عمري...نور عيوني...وركن بيتنا

الأساسي...والدنيا بلاها بدون طعم...ب21 حسين وهبي

رفيق عمري...وبتقدّم من عيلتو وإخواتوا...يللي هني عيلتي

وإخواتي ...بالحب الكبير ...وحسين ما مات...حسين بقلوبنا

جميعاً...بوجوه ولاد ربّاهم عالأدب وغرس فيهم الشرف والكرامة

وإللي عندو عيلة كريمة وإخوة أصحاب نخوة وأصدقاء..ما بيموت.

ب23...الغالية إمّي مريم عبد الحسن عواضة.العمر الطويل للكل

وإدعوا لكل الراحلين بالجنّة.