المرحومة المأسوف على شبابها نغم ابراهيم شمعون (أم محمد محسن)

وقفت قبال صورة امها وبدها تشتكي

وبعدو لسانها ما بيعرف كيف الحكي

ولما عجز لسانها، حركت بإيديها وغرغرو عيونها بالبكي

ومن دون صوت ولا حكي...

قالت: يا امي.. قالولي انك راجعة! تأخرت وينك شو بكِ؟

طلع الضو يا امي... وعتمت هالدني

وينك يا امي انا بلاكي ملبكي

يمكن عبوكره او لبعدو رح تجي؟

وينك يا امي يلا دخيلك تعي ...

ومن طهر قلب هالطفله الزكي

ومن عيون بعدها ما بتعرف لا ضحك ولا بكي

ابتسمت نغم من الصوره وقالتلها:

يا مريم يا بنتي يا روحي اسمعي

انا فوق بالسما عند رب العالمين

عيني عليكي وقلبي معك لا تخافي يا بنتي ولا تجزعي...

* أحمد عيسى

سجل التعازي بالمرحومة المأسوف على شبابها نغم ابراهيم شمعون (أم محمد محسن)